Sàbadu 7 de maju, s'Azalea de sa Chirca de sa Fundatzione AIRC

Image: 

 

 

S’Azalea de sa Chirca de sa Fundatzione AIRC torrat a colorare is pratzas pro sustènnere is chircadores impignados a agatare diàgnosi semper prus in tempus e curas prus giustas pro is tumores chi corpint is fèminas.

Unu frore ispetziale chi in 38 annos de vida est diventadu su sinnu de sa Festa de sa Mama e un’amigu pretziosu pro sa salude de is fèminas. S’Azalea de sa Chirca in fatis at permìtidu de  regòllere in su tempus prus de 280 milliones de èuros. Resursas chi ant permìtidu a is prus mannos iscientziados oncològicos de traballare sena de si firmare, pro curare a su mègius totu is malàidas.

Si podet comporare s’Azalea in pratza Eleonora in Crabas, sàbadu 7 de maju dae is  9.00.

(M.G.S.)

 

Tipo di notizia: 
avvisi