Pianos Personalizados 2023 - Lege 162: presentatzione domandas

Image: 

 

 

Pro is benefitziàrios de progetos in èssere a su 31.12.2022

S’ammentat chi is progetos personalizados fatos in agiudu de is persones cun disabilidade grave (lege n. 162/1998 art. 3 comma 3 de sa Lege n. 104/1992) sunt prorogados dae su 01/01/2023 e finas a su 30/04/2023 cunfirmende is critèrios generales chi sunt in s’allegadu A de sa Deliberatzione G.R. n. 9/15 de su 12.2.2013 francu su chi est normadu dae is Deliberatziones G.R. n. 32/43 de su 25.10.2022 comente cunfirmadu dae sa Deliberatzione G.R. n. 35/53 de su 22.11.2022.

Is tzitadinos interessados dae sa pròroga devent presentare, in intro de su 31 de martzu 2023, s’atestatzione ISEE 2023 a s’Ufìtziu protocollo de su Comune de Crabas impreende sa modulìstica apòsita (file “modulo domanda”), a disponimentu in s’intrada de su Comune. Custu pro definire su progetu chi pertocat su perìodu maju-nadale 2023.

S’agiornamentu de s’ischeda salude e de s’ischeda sotziale s’at a pòdere fàghere a rechesta de is benefitziàrios, si nono at a èssere cunfirmadu su progetu de s’annu in antis francu su chi pertocat su ISEE.

MODALIDADE DE CUNSIGNA 

Sa cunsigna de is documentos chi serbint si podet fàghere o in s’Ufìtziu protocollo (dae su lunis a sa chenàbura 10:00 / 12:00 – giòbia 15:30 / 17:00) o mandende.ddos a is indiritzos mail chi sighint: servizi.sociali@comune.cabras.or.it o servizi.sociali@pec.comune.cabras.or.it .

Pro tantu, francu disponimentos regionales diversos, is benefitziàrios de is progetos ativos in custu momentu no ant a èssere cuntatados pro fissare s’apuntamentu cun s’Assistente Sotziale de riferimentu ma ant a dèvere presentare sa documentatzione chi serbit pro torrare a parametrare is progetos.

Pro ativare is progetos noos:

Sa Deliberatzione regionale previdet chi is pianos personalizados ativados a nou comintzent dae su 01.05.2023. Pro tantu is matessi progetos s’ant a dèvere fàghere in intro de su 15.04.2024. Sa tzertificatzione de disabilidade grave a is sensos de s’art. 3 comma 3 de sa L. n. 104 de su 1992, o sa documentatzione de sa vìsita de sa cummissione mèdica, si devet tènnere in intro de su 31 de martzu 2023.

Sa modulìstica est a disponimentu in s’intrada de su Comune (dae is 10,00 a is 12,00). Is tzitadinos chi domandant pro sa prima borta de presentare su progetu devent  pedire un’apuntamentu cun s’Assistente Sotziale de riferimentu. A custu fine si faghet a ischire chi sa referente pro s’Àrea Antzianos e No Autosufitzientes est s’Assistente Sotziale Federica Carrus chi si podet chircare a is cuntatos chi sighint:

(M.G.S.)

Tipo di notizia: 
avvisi