Festa de Santu Srabadoi e Cursa de is Iscurtzos - Mèrcuris 24 de austu sa cunferèntzia-stampa de presentatzione

Image: 

 

 

S’at a fàghere mèrcuris 24 de austu a is 10:00 in Crabas in sa Sala giunta de su Comune, in pratza Eleonora n.1, sa presentada ufitziale de sa Festa de Santu Srabadoi - Cursa de is Iscurtzos 2022.

Organizada dae su Comune de Crabas cun s’agiudu de s’Assessoradu a su Turismu de sa Regione Sardigna, de Sardigna Turismu, de su Comitadu organizadore Santu Srabadoi, de s’Assòtziu Is Curridoris, de s’Assòtziu Santu Srabadoeddu e de s’Assòtziu Entes Locales pro s’Ispetàculu, s’editzione 2022 de sa Protzessione cummovente de Santu Srabadoi est pro is comunidades de su Sinis una partèntzia noa in mannu de s’eventu, a pustis de duos annos de firmada impostos dae su Covid.

“Sa festa de Santu Srabadoi est pro Crabas unu momentu de fide manna, de partetzipatzione e traditzione. A pustis de sa firmada fortzada semus cuntentos meda de pòdere dare torra unu de is eventos identitàrios prus apretziados a livellu regionale” at naradu su Sìndigu Andrea Abis.

A sa cunferèntzia-stampa ant a èssere presentes su Sìndigu de Crabas Andrea Abis, s’Assessore a sa Cultura Carlo Trincas, su Presidente de su Comitadu organizadore Nicola Poddi, su Presidente de s’Assòtziu Is Curridoris Alessio Camedda e sa Presidente de s’Assòtziu Santu Srabadoeddu Maria Paola Sanna. 

S’ant a presentare a manera ufitziale totu is initziativas chi ant a animare su Comune de Crabas a partire dae chenàbura 26 de austu.

(M.G.S.)

 

Tipo di notizia: 
notizie