S’Amministratzione Comunale promovet s’atividade isportiva in foras pro suportare is assòtzios isportivos locales, prus che totu in custu tempus de dificultades econòmicas mannas dadas dae sa difusione de su Covid-19, cuntzedende a gratis s’impreu de àreas abertas, cun s’òbligu de rispetare is lìnias guida emanadas dae su Ministeru pro s’Isport, finas a su 31 de santugaine 2022.
Totu is Assòtzios Isportivos chi òperant in su Comune de Crabas e/o iscritos a s’Albo Comunale de Crabas podent presentare domanda apòsita indiritzada a:
- Comune di Cabras, P.zza Eleonora n. 1 - Cabras
MODALIDADE
Is domandas devent arribare a s’ufìtziu protocollo de su Comune de Crabas a partire dae is 08,00 de su 04.08.2022
- cun PEC: protocollo@pec.comune.cabras.or.it
- o cun e-mail: protocollo@comune.cabras.or.it
ELENCU ÀREAS
Is àreas a disponimentu, individuadas cun nota de su 02.08.2022, prot. n.19290 dae su Responsàbile de s’Àrea Tècnica, sunt is chi sighint:
- Àrea in Pratza Stagno
- Àreas Parcu Carrera Colombo
- Àrea Iscola Carrera De Gàsperi
ASSIGNATZIONE
S’assignatzione de is àreas at a èssere a isportellu cun autorizatzione in is dies chi sighint dae parte de su Responsàbile de s’Àrea 2 – Servìtzios a sa persone, benes culturales e afàrios generales in base a is logos disponìbiles e is assinnatàrios ant a dèpere garantire de fàghere s’atividade isportiva in foras rispetende is normas prevìdidas dae is disponimentos inditados in s’avisu e dae cussos chi s’ant a fàghere a pustis, e in prus dae is disponimentos in contu de COVID-19.
Pro nd’ischire de prus e pro sa modulìstica si podet cuntatare su Comune.
(M.G.S.)