Crabas intre is noe burgos prus bellos de Itàlia

Image: 

 

 

Crabas est arribada a sa Top ten de sa classìfica de “Il Borgo dei Borghi”.  

Su biàgiu intre is regiones italianas de su cuncursu de sa Rai promovet su Comune de Crabas in intro de is noe burgos prus bellos de Itàlia.

"Custu resurtadu est pro nois motivu de orgòlliu mannu - narat s'assessore a su Turismu Carlo Trincas -. Est craru chi is votos de is giùighes de sa trasmissione ant torradu a cumbinare sa classìfica, dende unu 33% de votos in prus e decretende su binchidore. Semus seguros chi su resurtadu chi amus tentu at a èssere una cosa positiva in contu de presèntzias de turistas e custu est su motivu printzipale pro ite luego amus crètidu chi fiat de importu mannu a partetzipare a custu cuncursu. Crabas at tentu visibilidade manna in totu s’Itàlia e at pòdidu mustrare is bellesas suas. Semus cussentes chi su territòriu nostru non podiat essire in totu sa mannària, sa regia de sa trasmissione, cun su montàgiu, at seberadu ite fàghere bìere, ma semus cuntentos meda de sa visibilidade chi Crabas at tentu a livellu natzionale".

(M.G.S.)

Tipo di notizia: 
notizie