Cùcuru Is Arrius

Image: 

 

 

Su situ pre-nuràgicu de Cùcuru Is Arrius, iscobertu in is iscavos de su canale pro prevènnere is aundamentos, est in is ispundas sud otzidentales de s’istagnu de Crabas. In su situ ddu at una necròpoli e unos cantos insediamentos de su neolìticu, de su calcolìticu, de edade pùnica, unu tèmpiu a putzu nuràgicu cun a canta un'àrea pro su cultu tardu-repubblicana en in fines una necròpoli romana-imperiale.

In su villàgiu de Cùcuru Is Arrius istaiant  in capannas mesu-interradas, fatas de palos e de erbas de paules, andaiant a catza, coltivaiant su trigu, s’orzu, sa gentilla e sa faa. Si traballaiat e bendiat s'ossidiana, si auniant abilidade e gustu in is tzeràmicas, si auniant sensu artìsticu e fide religiosa in is istatueddas de sa dea mama, protetora de is bios e de is mortos. Su tempieddu a putzu nos est arribadu inseridu in unu logu de cultu de edade istòrica, is istruturas suas sunt istadas torradas a impreare pro fàghere un’edifìtziu nou de cultu de su III° - I° sèculu a.C. In intro de custu ant agatadu chimbe istelas de arenària.

Sa necròpoli romana est longa giai 50 metros, larga giai 10 metros, ma de seguru in orìgine fiat prus manna. In su campusantu ant agatadu 56 tumbas e sa tipologia issoro est cussa de is necròpoli romanas pòberas. Is corredos chi ddoe sunt, in fatis, sunt modestos, prus che totu vasellame comune.

(M.G.S.)

Tipo di notizia: 
notizie