Avisu pùblicu pro s’isponsorizatzione de su Fèstival de sa Botàriga 2022

Image: 

 

 

Su Comune de Crabas at publicadu un’avisu pùblicu pro agatare isponsor pro su chi  pertocat su Fèstival de sa Botàriga 2022.

S'Amministratzione si riservat de individuare is candidados pro istipulare su cuntratu de isponsorizatzione. Custu avisu no est un’invitu a presentare oferta a su pùblicu a is sensos de s’art. 1336 c.c. o promissa a su pùblicu a is sensos de s’art. 1989 c.c. Art. 2.

Is ofertas de isponsorizatzione devent tènnere comente ogetu interventos, atziones e atividades in s’àmbitu de su Fèstival de sa Botàriga 2022, chi s’at a fàghere su 9, 10 e 11 de cabudanni 2022. Is propostas ant a èssere valutadas dae s’Ente.

Is propostas de isponsorizatzione podent punnare a isponsorizatziones de natura finantziària o tècnica (frunidura de benes, servìtzios o àteras utilidades).

MODALIDADE DE PRESENTATZIONE DE IS PROPOSTAS

Is ofertas de isponsorizatzione depent arribare in busta serrada a s’Ufìtziu Protocollo de su Comune de Crabas, a: Ufficio Cultura, Piazza Eleonora n. 1 – 09072 Cabras segundu is modalidades chi sighint:

  • cun presentatzione direta, servìtzios postales 
  • cun PEC (protocollo@pec.comune.cabras.or.it).

In casu chi si mandet cun sa PEC sa domanda cheret firmada dae s’oferente cun firma digitale o firma eletrònica cualificada, o puru, a is sensos de s’art. 38, comma 3, de su D.P.R. n. 445/2000, cheret trasmìtida còpia pro immàgine de sa domanda firmada dae s’interessadu paris a sa còpia pro immàgine de su documentu de identidade.

Sa proposta depet arribbare in busta serrada e in foras tocat de iscrìere: su nùmene de su sugetu proponente e s’indiritzu;

e in prus custu: “Avviso pubblico sponsorizzazione Festival Bottarga 2022”.

Is propostas depent arribare in intro de is oras 23,59 de su  24.08.2022.

Pro informos si podet cuntatare sa D.ra M. Sofia Pippia – 0783 397232 – affari.generali@comune.cabras.or.it

(M.G.S.)

 

Tipo di notizia: 
avvisi