Àtera manifestatzione de protesta pro domandare de isblocare su progetu de sa pista tziclàbile e pedonale in s’asse Crabas-Aristanis

Image: 

 

 

Sàbadu 2 de trìulas s’Amministratzione Abis si preparat a fàghere a intèndere torra sa boghe de sa protesta pro atirare s’atentu in contu de sa firmada de sa pista tziclopedonale in progetu in s’asse  provintziale Crabas-Aristanis.

Sa prima die de maju in sa traditzionale tziclo pedalada de su Sinis s’est fata una prima manifestatzione in sa cale su Sìndigu, paris cun is cumponentes de sa Giunta, is cussigeris e tzitadinos meda, aiat ispiegadu is motivos de sa protesta.

Semus a dae in antis a una firmada chi andat contra a is netzessidades de su territòriu – narat Andrea Abis -. Semus discutende dae tempus meda in contu de sa netzessidade de fàghere un’òpera pretzisa meda, in antis de totu pro sa perigulosidade de s’istrada in ue si diat dèpere fàghere. Oramai semus arribados a s’istiu, cando sa gente de su logu ma prus che totu is turistas sèberant de andare a pee o in bitzicleta pro andare a mare e a visitare is bellesas naturalìsticas e is sitos archeològicos. Sena una pista istudiada aposta pro chie andat a pee e in bitzicleta, illuminada bene, semus ponende sa gente in perìgulu mannu e custa amministratzione non cheret responsabilidade de custa cosa”.

Is amministradores non cherent abbandonare su progetu chi, in prus de s’importu pro sa seguresa istradale, diat èssere de importu mannu pro su turismu locale e sunt prontos a ocupare sa rotonda noa in sa SP 6 sàbadu mangianu, sollitzitende totu is chi tenent a coro custa cosa.

S’apuntamentu est a is 9.30 in intro de sa pratza de su tzentru polivalente. A pustis s’at a andare in acumpangiamentu a cara a sa rotonda, in ue a is 10 s’at a blocare su tràficu pro mesora.

S’Amministratzione at fatu fintzas l’evento sulla pagina Facebook in ue si podet dare s’adesione a sa manifestatzione.

“Sa protesta nostra cheret fàghere lughe in contu de un’ esigèntzia chi cun su tempus at a crèschere semper prus paris cun s’aumentu de is turistas, chi giai dae ocannu si presentant prus meda chi no in is annos passados pro more de sa campagna de  promovimentu de su territòriu chi semus faghende” concruit su Sìndigu.

(M.G.S.)

 

Tipo di notizia: 
notizie